Mae gwasanaeth Therapi Siarad Parabl yn rhoi cefnogaeth therapiwtig tymor byr i bobl sy’n ei chael hi’n anodd ymdopi â sefyllfa boenus neu broblem iechyd meddwl cyffredin sy’n effeithio eu lles emosiynol.

Yn dilyn asesiad ffôn, os ydych yn gymwys i dderbyn triniaeth gan y gwasanaeth, gallwch gael cynnig:

• hunan help
• hunan help gydag arweiniad
• grwpiau therapiwtig
• therapi unigol

Gallwch hunan gyfeirio drwy ffonio 0300 777 2257 (oriau busnes), neu ebostio gofyn@parabl.org.

Rydym yn cynghori eich bod yn ymweld â’u gwefan cyn cysylltu er mwyn darganfod mwy am y gwasanaeth.

Mae pawb yn ymdopi’n wahanol gyda profedigaethau, a does dim ffordd ‘gyffredin’ na ‘iawn’ i alaru. Mae Cruse yn elusen genedlaethol gyda canghennau lleol sy’n rhoi cyngor, gwybodaeth a chymorth i unrhywun sydd wedi cael profedigaeth (plant, pobl ifanc, ac oedolion), pryd bynnag a sut bynnag i digwyddodd y farwolaeth. Darperir y gwasanaeth gan wirfoddolwyr hyfforddedig,  profiadol, yng nghartref y cleient. Mae’n gyfrinachol ac am ddim.

Cliciwch yma i fynd i’r wefan genedlaethol i gael mwy o wybodaeth, neu yma am wefan cangen Gogledd Cymru er mwyn hunan-gyfeirio.